Asociación de Prevención das Conductas Aditivas, Educación e Promoción da Saúde
Máis de 35 anos erguendo oportunidades
A Asociación Érguete Baixo Miño é unha entidade sen ánimo de lucro e de utilidade pública que traballa nos concellos de A Guarda, O Rosal, Tomiño e Oia. Nacimos a comezos dos 90 da man de veciños e veciñas preocupadas polo impacto das drogas nas familias da comarca.
Hoxe somos un equipo profesional e voluntario que promove a prevención das adiccións, a educación para a saúde e a inclusión social das persoas en situación de vulnerabilidade no Baixo Miño.
- Traballo en rede
- Igualdade de oportunidades e perspectiva de xénero
- Compromiso coas persoas
- Respecto
- Coherencia nas actuacións
Os nosos programas e servizos
Deseñamos e desenvolvemos programas gratuítos de prevención, atención ás condutas aditivas e incorporación social e laboral, adaptados ás necesidades da comarca do Baixo Miño.
Programas de prevención de condutas adictivas
Traballamos na escola, coas familias, coa mocidade, coas mulleres e na comunidade para educar en hábitos saudables, ofrecer información rigorosa sobre drogas e outras adiccións (como o xogo ou o uso das TIC) e fortalecer habilidades persoais que protexen fronte ás condutas de risco.
Atención ás adiccións
Ofrecemos acompañamento e apoio a persoas con problemas de adiccións e ás súas familias: información, mediación con institucións, cobertura de necesidades básicas, programas de reducción de danos e recursos específicos para mellorar o benestar e a saúde.
Incorporación social e laboral
Desenvolvemos accións formativas e itinerarios personalizados de inserción sociolaboral para persoas en situación ou risco de exclusión social, con especial atención á alfabetización básica, á mellora da empregabilidade e á autonomía persoal.
Suma forzas con nós
O teu apoio fai posible que sigamos acompañando a persoas e familias con menos oportunidades na nosa comarca. Hai moitas maneiras de sumar:
Faite socio/a
Colabora cunha cota periódica e axúdanos a dar estabilidade aos programas.
Fai un donativo puntual
Calquera achega é importante para manter os servizos gratuítos.
Faite voluntario/a
Participa nas actividades, apoia na organización ou axúdanos a difundir o noso labor.
Por que Érguete Baixo Miño?
Dende a súa creación, Érguete Baixo Miño mantén un compromiso firme coa prevención das condutas aditivas e coa mellora da calidade de vida das persoas e familias do Baixo Miño. Traballamos en coordinación coas administracións públicas, centros educativos, entidades sociais e tecido asociativo da comarca.
Grazas ao apoio dos socios/as, das subvencións e dos donativos, podemos continuar ofrecendo programas gratuítos de información, prevención, educación para a saúde e inclusión social.
Actualidade e actividades
Descubre as últimas actividades, campañas e proxectos da Asociación Érguete Baixo Miño.
¡Finalizamos con éxito o programa «Érguete Emprega» 2025! 🚀
Érguete Baixo Miño: Máis de 35 anos impulsando a prevención e a saúde na nosa comarca
Erguete Baixo Miño: Impacto e Inclusión Social na Comarca en 2025.
Programas de Prevención Escolar e Familiar para o curso 2025/26
OFERTA PROGRAMAS DE PREVENCIÓN ESCOLAR E FAMILIAR CURSO 2021/22
