Síguenos en:

Facebook-Logo

twitter-logo

Archivo


Novas
Programa Educación para a Saúde na Escola Curso 2019/20

Inicio dos talleres de “Intervención Socioeducativa na Aula” no IES Antón Alonso Ríos de Tomiño

alt

A Asociación Érguete Baixo Miño informa que, o martes día 3 e mércores día 4 de marzo, darán comezo os diferentes Talleres de Educación e Promoción da Saúde no IES Antón Alonso Ríos de Tomiño, que se prolongarán durante as vindeiras cinco semanas.

Nesta ocasión, traballaremos co alumnado de 2º da ESO as habilidades persoais e sociais así como a resolución de conflitos. O labor de Érguete Baixo Miño é lograr a implicación dos rapaces e rapazas para ser capaces de manexar axeitadamente as posibles situacións conflitivas tanto actuais coma futuras, así coma fortalecer as súas relacións interpersoais. Cabe mencionar tamén a importancia de incidir no autocoñecemento persoal para o desenvolvemento dunha autoestima positiva.

Estas actividades atópanse dentro da carteira de servizos que a Asociación ofrece de maneira gratuíta ás numerosas escolas e institutos do Baixo Miño, dentro do Programa de Educación para a Saúde na Escola, financiado pola subvención da Consellería de Sanidade, Dirección Xeral de Saúde Pública, Servizo de Prevención de Condutas Aditivas e pola cota dos socios e socias que colaboran nesta Asociación.

Para máis información, invitamos a todos a achegarse ás instalacións de Érguete, tamén a través da páxina web www.erguete.orgou ben chamando aos teléfonos 986 61 44 17 / 640 08 63 76.

 
Programa Non Pasa Nada, ¿Pasa Algo? Curso 2019/20

Talleres sobre Prevención das Condutas Aditivas no IES A Sangriña de A Guarda

alt

A Asociación Érguete Baixo Miño informa que dende xaneiro esta levando a cabo actividades sobre a promoción da saúde e a prevención das condutas aditivas no I.E.S A Sangriña de A Guarda –Pontevedra-.

Trátase do programa denominado Non Pasa Nada, ¿Pasa Algo?  que conta cunha ampla traxectoria de execución neste centro educativo e que está dirixido ao alumnado de 3º da ESO. Este taller atópase financiado pola Consellería de Sanidade, Dirección Xeral de Saúde Pública, Servizo de Prevención de Condutas Aditivas e pola cota dos socios e socias da entidade.

A finalidade do programa é a de reducir a incidencia dos diversos problemas sociosanitarios relacionados co consumo e/ou abuso de drogas, incrementando os factores de protección e promovendo a adopción de estilos de vida saudables.

Esta acción está dentro da carteira de servizos que a Asociación Érguete Baixo Miño, ofrece de forma altruísta e dende hai moitos anos no ámbito escolar e que ano tras ano ten moi boa acollida tanto nos centros educativos da comarca como por parte dos mozos e mozas aos que vai dirixido.

Para máis información, invitamos a todo o mundo a achegarse ás instalacións de Érguete, tamén a través do email Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo  ou ben chamando aos teléfonos 986 61 44 17 / 640 08 63 76. 

 
1 de decembro, Día Mundial do VIH/SIDA

 

O 1 de decembro estaremos na Praza Avelino Vicente de 10:00 a 14:00 h.

alt

 

A Asociación Érguete Baixo Miño informa que a mañá do vindeiro domingo 1 de decembro en horario de 10:00 a 14:00 h. estaremos informando e sensibilizando sobre o VIH/Sida na Praza Avelino Vicente (Praza As de Copas) en A Guarda, conxuntamente coa recén creada Asociación LGBTI+ Trans Miño. Repartiremos preservativos, como único método que prevé a enfermidade, lazos vermellos, xogos e outras actividades (aprazarase en caso de choiva).

Este ano celébrase o Día Mundial do VIH/SIDA baixo o lema “As comunidades marcan a diferenza”. Trátase dun día fundamental dentro das accións que estas Asociacións levan a cabo brindando unha oportunidade importante para recoñecer o papel que as comunidades desempeñaron e continúan desempeñando na resposta ao SIDA a nivel local, nacional e internacional.

O liderado destas organizacións, que están integradas por educadores de iguais, persoas afectadas polo VIH, colectivos homosexuais, persoas transxénero, xente xoven,... respaldan que non se baixe a garda neste aspecto tan relevante para a saúde das persoas. Ademais, atopámonos nun momento en que o reducido orzamento e os poucos espazos adicados a estas cuestións fan peligrar a sostenibilidade dos servizos e dos esforzos para defendelos. É preciso que as comunidades se movilicen máis para garantir que o sida continue presente na axenda política, que os dereitos humanos se respeten e que quenes toman as decisións e as poñen en práctica asuman as súas responsabilidades.

Animamos a todas as persoas a participar nesta xornada e, tamén ao longo de todo o ano, recordando a importancia da educación, da prevención e da sensibilización nesta área que inflúe moi directamente na vida das persoas.

 
Programas Escolares e Familiares Curso 2019/20

Érguete Baixo Miño difunde os Programas Educativos e Familiares que desenvolve na Escola 

alt

Érguete Baixo Miño retoma o traballo nos centros educativos neste curso escolar e presenta unha breve guía informativa cos Programas ofertados gratuítamente nas escolas de A Guarda, Tomiño, O Rosal e Oia.

Estes programas están dirixidos ao alumnado e aos pais/nais/titores que representan o eixe prioritario na educación. Cada programa inclúe unha serie de actividades encamiñadas a adquirir coñecementos, actitudes, habilidades e destrezas que fomentan o mantemento dunha vida máis saudable.

Estas actividades atópanse financiadas pola Consellería de Sanidade –Dirección Xeral de Saúde Pública, Servizo de Prevención de Condutas Aditivas- e polas cotas dxs socixs.

Para recibir máis información e/ou solicitar a implantación dalgunha destas actividades nalgún Centro Educativo pode chamar aos teléfonos 986 61 44 07 / 640 086 376, tamén contactando a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou dirixirse de maneira presencial nas instalacións de Érguete Baixo Miño r/Colón, nº20 (Edif. O Pescador 1º Piso) CP36780 A Guarda. 

Érguete Baixo Miño realiza os todos os programas con persoal técnico cualificado que conta cunha amplia experiencia no tratamento destes temas na comunidade.

Guía de Programas Educativos e Familiares Curso 2019/20 https://bit.ly/2Omh3LN

 
Xornada Empresarial 2019

Xornada Empresarial  “Non Te Pares, Érguete!!” 3ª edición - 2019


 

A Asociación Érguete Baixo Miño informa que o vindeiro venres día 28 de xuño de 2019 entre ás 09:00 e 11:00 h da mañá, terá lugar no Centro Cultural de A Guarda, a Xornada Empresarial “Non te pares – Érguete!!”, acto central do Programa Érguete Emprega 2019.


Neste acto teremos contacto directo con persoal de Recursos Humanos das empresas:  Imerys S.A., Grupo Alliance (ETT), e con Xosé Alberte Cea – orientador laboral do Concello de Vigo, para coñecer de primeira man información sobre que buscan nos seus/súas potencias traballadores/as ou que perfís soen requirir.


A xornada está aberta a todas aquelas persoas que queiran achegarse e coñecer un pouco mais as demandas de ditas empresas, así como as labores da nosa entidade.
Esta xornada, é o peche do taller de formación e activación cara a procura de emprego que comezamos no mes de maio (cunha duración total de 80 h.) e cuias actividades son financiadas pola Deputación de Pontevedra -Cohesión Social e Xuventude- así como pola cota dos/as socios e socias.


Para máis información pódese contactar aos teléfonos 986 61 44 07 / 640 086 376.

 
Taller "Non Te Pares, Érguete!!” 2019

Taller "Non Te Pares, Érguete!!” 2019 - 3ª Edición-

Totalmente gratuíto e con prazas limitadas

Asociación Érguete Baixo Miño informa que a partir de hoxe, 6 de maio, ábrese o prazo de inscrición para a 3º edición do taller “Non te pares, Érguete!!” formación e activación cara a procura dun emprego. O Taller está dirixido a persoas en situación de desemprego e terá unha duración de 70h. A primeira xornada terá lugar o 21 de Maio e desenvolverase en horario de mañá (de 9 a 14) durante os meses de maio e xuño.


Algúns dos obxectivos que se traballarán son a mellora das capacidades e aptitudes persoais, ver como explotar o mellor de cada persoa e así descubrir as vías para conseguir diferenciarse no mercado laboral e conseguir adaptarse aos escenarios actuais. Esta formación será impartida pola Psicopedagoga da Asociación en conxunto cunha Psicóloga experta na materia.


Ademais, como broche das actividades formativas, terá lugar unha Xornada Empresarial, onde se fará un encontro entre os asistentes e algunhas das empresas da zona para poñer en común as necesidades das mesmas e saber que é o que buscan no mercado laboral e como o buscan. Grazas a estas xornadas, na 1ª e 2ª Edición conseguiuse alcanzar unha ocupación laboral do 25% dos asistentes.


Estas actividades son financiadas pola Deputación de Pontevedra -Cohesión Social e Xuventude- así como pola cota dos/as socios e socias.
Os interesados poden descargarse o formulario de inscrición a través da web da entidade www.erguete.org , achegarse ás instalacións da Asociación ou ben a través do email Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .

 

 
« InicioAnterior12345678910SeguinteFinal »

Páxina 1 de 21